Frenk Lampard është shumë pranë stolit të Derby. Ish-mesfushori i Chelsea ka pasur një intervistë për t’u bërë trajneri i kësaj skuadre dhe përshtypja ka qenë pozitive. Pronari Mel Morris ka kërkuar kohë për t’u menduar, por burime pranë tij konfirmojnë se Lampard është favorit për të qenë trajner në “Pride Park”. Kjo do të ishte përvoja e parë për të.
Lampard, pasi ka marrë licencën e trajnerit “UEFA Pro” ka qenë në bisedime edhe me Ipswich në fillim të muajit, por pa arritur marrëveshjen.
Derbi ka edhe një listë të tjerë pretendentësh si Dean Smith i Bradford, Alex Neil i Preston, Paul Cook i Wigan dhe trajneri aktual i Millwall, Neil Harris.
Gjithsesi, Morris ndihet shumë i tërhequr nga hipoteza për të firmosur me 39-vjeçarin Lampard.