Një trajner kampion për Flamurtarin. Edmond Liçaj pritet të rikthehet në klubin vlonjat në rolin e trajnerit. Administratori i Flamurtarit, Sinan Idrizi, ka bërë një takim sot me trajnerin që ka shpallur kampion Flamurtarin për herë të parë në histori në vitin 1991.
Mësohet se Idrizi i ka ofruar fillimisht postin e drejtorit deri në mbyllje të këtij sezoni, për të nisur më pas zyrtarisht detyrën e trajnerit në sezonin 2018-2019. Liçaj e ka mirëpritur këtë ofertë dhe gjasat janë që sot të ndjekë skuadrën në Elbasan, teksa Flamurtari luan me Laçin në orën 16:00.
