Mediat italiane raportojnë se Manchester City ka nisur kontaktet me Napolin për Jorginho, por Napoli kërkon 60 milionë euro për mesfushorin.
Raportet e një javë më parë thoshin se kampionët e Anglisë ishin të interesuar, dhe kanë gati 40 milionë euro për italianin me origjinë braziliane.
Tani Gianluca di Marzio raporton se City ka nisur kontaktet e para për lojtarin e përfaqësueses italiane, por nuk është i kënaqur me çmimin fillestar 60 milionë euro për të.
Pep Guardiola është një admirues i madh i Jorginho-s, por klubi po heziton pasi nuk kërkon të paguajë një shifër aq të lartë.
Jorginho ka një mesatare 94.7 pasime për ndeshje këtë sezon në Serie A, më i miri në kampionat, duke kompletuar 89.4% të pasimeve.