MC Kresha është një nga reperët më të pëlqyer në Shqipëri dhe këtë e tregojnë mjaft mirë hitet e tij. Këngët e Kreshës klikohen dhe dëgjohen pafund kudo, dhe ai nuk është nga ato reperë të cilët në këngët e tyre zgjedhin të flasin vetëm për lekët apo jetën luksoze. MC Kresha ka shumë këngë me tema sociale të cilat e kanë bërë reperin të jetë mjaft i pëlqyer.
Por të ndalemi pak tek pasionet e tij. Vetëm pak ditë para finales së madhe të “UEFA Champions League” duket se MC Kresha ka preferuat të na tregojë se është një tifozë i zjarrtë i skuadrës finaliste Liverpoolit. Ai ka postuar një foto në Facebookun e tij ku duket i veshur me fanellën dhe çorapet e Liverpoolit . Reperi i uron fat skuadrës së tij edhe pse në komente kanë shkruar shumë tifozë të Realit duke i thënë se do të jetë skuadra e Realit të Madridit që do të fitojë kupën.
