Partizani mbylli një sezon plot dritë – hije në Superligë që në fund nuk rezultoi i suksesshëm për të kuqtë pasi nuk arritën të kualifikoheshin as në kupat e Europës. Por për këtë duhen fajësuar edhe ndryshimet e shumta që pësoi ekipi në një periudhë 5 mujore ku mund të themi se përbërja e skuadrës ndryshoi plot 3 herë duke mos krijuar stabilitet dhe vijueshmëri.
Për të mos ripërsëritur gabimet e këtij sezoni, Partizani ka filluar të mendojë për një bazë për sezonin e ri. Kështu është rinovuar kontrata me Egzon Belican që u afrua te ‘demat’ në janar, por ka bindur me paraqtijet e tij. Qendër mbrojtësi ka rinovuar edhe për një sezon dhe në këtë mënyrë do bashkëpunojë edhe për një sezon me klubin kryeqytetas.
