West Ham insiston të rikthejë në Premier League trajnerin kilian, Manuel Pellegrini. Ky i fundit është nën kontratë në kampionatin kinez me Hebei Fortune por dëshiron të rikthehet në një kampionat elitar si Premier League dhe ua ka bërë të qartë drejtuesve të klubit për synimet e tij.
Te West Ham po presin vetëm lëvizjen e Pellegrinit për ta zyrtarizuar më pas në stol teksa bisedimet e palëve janë përshpejtuar. Hammers-at kanë menduar që në mars për ish trajnerin e Real Madrid dhe Manchester City por vetëm me largimin e David Moyes nisën lëvizjet e para dhe gjasat janë që brenda 10 ditësh gjithçka të zyrtarizohet.
