Daniele Orsato, gjyqtari i ndeshjes Inter-Juventus, po kalon ditë të vështira. Në qytezën e Recoaro, ku dhe jeton, ai po kalon orë të tensionuara, pasi vetë gjyqtari dhe familja e tij janë kërcënuar nga persona ende të paidentifikuar. “Kemi kaluar momente jo të mirë dhe fëmijët janë të shqetësuar, pasi nuk duan të dalin jashtë dhe të luajnë me shokët”, thotë Orsato, që nuk jep komente të tjera, për shkak të detyrës.
Por policia e zonës konfirmon se gjyqtari Daniele Orsato dhe familja e tij janën nën mbikqyrjen e policisë edhe pse kjo nuk është e afërt, por nga një distancë diskrete, për të evituar probleme. Një patrullë kalon herë pas here në zonën e shtëpisë së gjyqtarit edhe pse bëhet fjalë për një qytezë të qetë, ku njerëzit njihen mes tyre. Gjithsesi, situata vazhdon të jetë e nderë pas polemikave të ndeshjes Inter-Juventus.
