Real Madridi refuzoi t’ia bënte Korridorin e Nderit Barcelonës që u shpall kampion i La Ligas për sezonin 2017/2018. Pas fitores ndaj Deportivo la Corunas, Blaugranët u shpallën matematikisht kampionë të Spanjës, mirëpo në ‘el Clasico’, krerët e Los Blancos vendosën të mos e nderonin rivalin e përbetuar me atë që njihet si Korridor i Nderit.
Mirëpo, falë aftësive improvizuese të Gerard Pique, katalunasit ia bënë vetes Korridorin e Nderit. Mbrojtësi i Barcës e mori mikrofonin dhe u tha tifozëve se do ta bënin gjithçka vet.
“Meqë jemi familje dhe ata nuk deshën të na bënin Korridorin e Nderit, kërkoj nga stafi ynë që ta bëjë dhe do ta bëjë”. “Ky është Korridori i Nderit për djemtë që kujdesen për Barcelonën”, është shprehur Pique. Dhe gjithçka shkoi bukur me mbështetjen e gjithë atyre tifozëve në Camp Noue, megjithëse duhej të ishte vetëm një improvizim.