Volsburgu është skuadra që po paguan hotelin më të shtrenjtë për qëndrimin e skuadrës së tij, nga të gjitha ekipet e tjera të Bundesligës gjatë periudhës së karantinës.
18 klubet e Premier Ligës po përdorin të ashtuquajturit “Hotel-Karantinë” për të mbrojtur skuadrat e tyre, teksa i përshtaten protokolleve të reja që synojnë frenimin e përhapjes së koronavirusit.
Duke qenë se Bundesliga do të rifillojë në datë 16 maj, Volsburgu ka udhëtuar drejt Augsburgut për përballjen e kësaj fundjave.
Lojtarët janë vendosur në një hotel ku një dhomë normale kushton 460 paund në natë, shifër kjo 5 herë më e lartë krahasuar me atë që po paguan Bajerni dhe Dortmundi, raporton “Bild”.
Gjithsesi, raportimi shton se partneriti që ka Volsburgu me këtë hotel i mundëson një ulje në rreth 123 paund nata. Bajerni nga ana tjetër paguan 88 paund nata ndërsa Dortmundi po ashtu paguan të njëjtën shumë me bavarezët.
