Për Wayne Rooney ka ardhur momenti i largimit nga Premier League. Ish djaloshi i artë i Manchester United dhe Everton është në bisedime të avancuara për të nisur një aventurë të re përtej oqeanit në Major League Soccer në radhët e DC United.
Agjenti i 32-vjeçarit ka udhëtuar shpesh javët e fundit në SHBA për të arritur një akord dhe ajo që e shtyn më shumë sulmuesin të largohet është edhe raporti i vështirë me Sam Allardyce i cili është konfirmuar në stol edhe për sezonin e ardhshëm.