Shefi ekzekutiv i Bayern Munich, Karl-Heinz Rummenigge, është i bindur se Robert Lewandowski do të qëndrojë në klubin bavarez, duke kthjelluar sadopak zërat për një lëvizje të mundshme të polakut te Real Madridi.
Lewandowski është shfaqur si një objektiv i “Los Blancos”, me Karim Benzema drejt largimit, pasi ka pasur një sezon të vështirë përballë golave në La Liga. Polaku ndryshoi agjentët më herët, gjatë vitit, duke u lidhur me Pini Zahavi. Disa sugjeruan se kjo ishte bërë për të lehtësuar transferimin te gjigantët spanjollë.
Por, Rummenigge është i qetë në lidhje me situatën, duke dhënë siguri se sulmuesi do të veshë fanellën e Bayern Munich edhe në sezonin e ardhshëm. “Askush nuk duhet të shqetësohen për Robert Lewandowski dhe marrëdhëniet e tij me Bayernin, – tha Rummenigge për “Kicker”. – Kemi një raport shumë të mirë. Jam shumë i lumtur që ende kemi një kontratë kaq afatgjatë. Nuk ka nevojë për t’u shqetësuar, ai do të luajë edhe në sezonin e ardhshëm te Bayern Munich”.
Lewandowskimori kritika për reagimin e tij gjatë zëvendësimit në fitoren 3-1 të së shtunës, në Këln, pasi nuk pranoi t’i japë dorën trajnerit Jupp Heynckes. Por, Rummenigge nuk mendon se Lewandowski duhet të penalizohet për të shprehur veten:
“Ju nuk mund ta lodhni në drejtim të reagimit. Ai është një nga sulmuesit më të mirë në botë, çka e dëshmon çdo vit. Nëse nuk ka shënuar në disa ndeshje, ky nuk është problem. Unë jam një demokrat i madh, të gjithë mund të shprehin mendimin e tij”.
