Kampionët e Champions League Marcelo dhe Casemiro i janë bashkuar kampit brazilian për Kupën e Botës.
Dy lojtarët e Real Madrid janë paraqitur paraditen e së mërkurës në kampin stërvitor në Londër, siç ka raportuar Federata Braziliane e Futbollit.
Gjatë paradites kishte mbërritur edhe Roberto Firmino, sulmuesi i Liverpool që humbi në finalen e Champions League 3-1.
Në qendrën stërvitore të Tottenham Hotspur, Neymar me shokë do të stërviten deri më 8 qershor në prag të Kupës së Botës.
Më 3 qershor, brazilianët do të udhëtojnë në Liverpool për një ndeshje miqësore ndaj Kroacisë, më 10 qershor do të ketë një tjetër miqësore ndaj Austrisë.
Ndeshja e parë në Rusi do të zhvillohet më 17 qershor ndaj Zvicrës.
Eles estão na área! #SeleçãoBrasileira está completa em Londres. Sejam bem-vindos, Marcelo e Casemiro! #GigantesPorNatureza pic.twitter.com/SDhPV39eOE
— CBF Futebol (@CBF_Futebol) May 30, 2018
