Crotone ka arritur të ndalë Lazion në një barazim spektakolar 2-2, duke mbajtur gjallë shpresat për mbijetesë dhe ndërkohë duke i dhënë një asist Interit, për të siguruar një vend në Champions, javën e fundit.
Bardhekaltrit kaluan të parët në avantazh, pas një goli të shënuar nga Senad Luliç me 11-metërsh, por Crotone reagoi duke përmbysur në 2-1 rezultatin. Minuta nga fundi shënoi Milinkoviç-Saviç, duke rikthyer baraspeshën, rezultat që mbeti i pandryshuar deri në fund.
Në sfidat e tjera, Cagliari, Chievo dhe Udinese, që luftojnë për mbijetesë, arritën të bëjnë detyrën, duke marrë 3 pikët, ndërsa Spal ishte e vetmja që nuk ia doli të fitojë, teksa u mposht 2-1 nga Torino.
