AC Milan ka barazuar 1-1 në fushën e Atalanta dhe matematikisht ka siguruar të drejtën për të luajtur në Europa League sezonin e ardhshëm, sido që të dalë ndeshja e fundit e kampionatit kundër Fiorentina.
Skuadra e drejtuar nga Gennaro Gattuso do ta mbyllë në vendin e gjashtë ose të shtatë këtë kampionat të Serie A.
Në një ndeshje të luftuar nën shiun e rrëmbyeshëm të Bergamo, kuqezinjtë kaluan në avantazh në saj të golit të shënuar nga Franck Kessie, pas një ore lojë. Mesfushori, që vjet luante me Atalanta, goditi saktësisht nga jashtë zone.
Të dyja ekipet e vazhduan ndeshjen me dhjetë futbollistë pasi Rafael Toloi në minutën e 64-t dhe Ricardo Montolivo, dhjetë minuta më vonë, u ndëshkuan me karton të kuq.
Mbrojtja e Milan, me në krye kapitenin Leonardo Bonucci, që luante ndeshjen e tij të 300-të në Serie A, u dorëzuan në minutën e parë shtesë, kur Atalanta barazoi me golin e Masiello.
WATCH: Kessie scores against his former team with a great strike!#AtalantaMilan 0-1. pic.twitter.com/J1s86CU0KG
— SempreMilan (@SempreMilanCom) May 13, 2018
