Edhe vetëm dy ndeshje dhe finalja e Kievit do të jetë e zbardhur, me dy finalistët e Ligës së Kampioneve 2017-2018 në kërkim të trofeut të shumëlakmuar. Real Madridi, Bayern Munich, Liverpool dhe Roma aspirojnë ta shkruajnë emrin e tyre në historinë e futbollit europian. Ne po ju tregojmë shtatë kuriozitete, kështu që mund të mendoni për to më mirë, para se të vini baste.
1. Një fakt që nuk është përsëritur nga viti 1976
“Tricampeonato” është për herë të parë brenda mundësive të një skuadre, në këtë rast, Real Madridi. Askush nuk e ka arritur këtë (tre Champions radhazi) që nga viti 1976, kur u regjistrua pikërisht nga Bayern Munich.
2. Heynckes mund të bëjë histori…, edhe Zidane
Të dy trajnerët mund të arrijnë tre trofe Champions-i si trajnerë, çka përputhet me arritjet e Paisley dhe Ancelotti në këtë drejtim.
3. Mundësi për podiumin e kampionëve
Nëse “Reds” ose bavarezët fitojnë trofeun, palët e treta do të vendosen në rekordin historik me gjashtë trofe. Duke u renditur kësisoji pas Real Madridit (12 Champions) dhe AC Milan (7).
4. Hyni në klubin VIP
Nëse skuadra italiane e Romës arrin të fitojë Ligën e Kampionëve, ajo do të bëhet kampionia e 23-të e kompeticionit. Kampioni i fundit “i parë” ishte Chelsea (viti 2012).
5. Tre në tre…
Një tjetër moment historik brenda mundësive të Bayern Munich (dhe Jupp Heynckes) është tripleta sezonale. Pikërisht kjo e fundit u pushtua në vitin 2013, gjithashtu, me teknikun veteran gjerman.
6. Hakmarrja e James
Ai që mund të marrë Champions-in e tij të tretë radhazi është … James Rodriguez. Tani për tani, ai i ka dy trofe të tillë me Real Madridin. A do ta përfundojë hakmarrjen e tij ndaj largimit nga “Bernabeu” me trofe tjetër kontinental, tashmë me fanellën e gjigandëve gjermane? Të presin e shohim.
7. Përpara portugezit, vetëm Gento
Cristiano Ronaldo mund të fitojë Champions-in e tij të pestë, diçka që vetëm 12 lojtarë e kanë arritur në histori. Vetëm Paco Gento, me gjashtë tituj, është përpara të tjerëve.
