Pika e marrë dje në Shkodër ka qetësuar situatën te skuadra e Julian Ahmatajt. “Duke vendosur zemrën në fushë, arritëm një barazim me vlera. Nuk duam të gjykojmë as arbitrat dhe as dhuratat ndaj kundërshtarëve. Vazhdojmë përpara duke parë ekipin dhe forcën tonë. Të tjerat i gjykon vetë opinioni sportiv në të gjithë Shqipërinë.
Ne ishim betuar se s’do të dorëzoheshim dhe të bashkuar luftuam dhe do të luftojmë deri në fund”, citohej dje në faqen zyrtare të Kamzës në “Facebook”.
Ndërkohë, “Panorama Sport” mëson se drejtuesit e klubit kanë njoftuar ekipin se sot do të shpërndajnë një premio të majme për pikën e marrë në transfertë ndaj Kamzës dhe Vllaznisë. Bëhet fjalë për 20 milionë lekë të vjetër, që skuadrës i është premtuar nga vetë drejtuesit.
