Cesc Fabregas mbylli një sezon disi në hije te ekipi i Chelseas ku ndoshta edhe forma e dobët e ekipit në përgjithësi ndikoi edhe te performanca individuale e mefushorit. Por gjthsesi në Spanjë nuk e kanë humbur aspak interesin për 31-vjeçarin. Skuadra si Valencia apo Villareal janë gati për të bërë lëvizjet e tyre në këtë merkato për të afruar ish-futbollistin e Arsenal dhe Barcelones.
Valencia këtë sezon do jetë pjesë e Champions League dhe kjo mund të joshë Fabregas për tu transferuar te ‘los che’. Spanjolli ka vetëm 12 muaj kontratë me ekipin blu dhe londinezët mund ta lëshojnë atë në fund të këtij sezoni.
