Pas brazilianit Luiz Adriano një tjetër sulmues mund të lërë Milanin për t’u transferuar në kampionatin rus te Spartaku i Moskës. Bëhet fjalë për shtatlartin kroat Nikola Kalinic i cili ka zhgënjyer tërësisht në sezonin e tij të parë me fanellën e kuqezinjëve.
Ish bomberi i Fiorentinës ka realizuar vetëm 5 gola me Milanin në Serie A gjatë këtij sezoni dhe në fund të kampionatit sipas të gjitha gjasave rrugët e sulmuesit me 7-herë kampionët e Europës do të ndahen përfundimisht.
