Alban Bushi, trajneri i Kombëtares U 21 ka folur për Supersport me një transferim të bujshëm të Eros Grezdës te Rangers. Bushi ka thënë se për momentin Kombëtarja nuk ka një lojtar me cilësitë e tij.
“Nuk bën lajm Grezda që ka kaluar te një ekip si Rangers. I uroj shumë fat, por edhe me Kombëtaren. Grezda është një lojtar i ri, ka bërë shumë mirë deri më tani. Fanela e Kombëtares është e rëndë. Ai i nevojitet ekipit tonë Kombëtar, për momentin nuk kemi lojtar si ai. Do ta shohim në ndeshjen me Izraelin, jam i bindur se do të bëjë një ndeshje të madhe”.
