Premier League uli siparin ditën e sotme dhe përvecc ekipeve që u përcaktuan që do luajnë në Europë dhe që u rrëzuan nga kategoria, u përcaktua edhe fituesi i Këpucës së Artë. Ai është Mohamed Salah me 32 gola, por një rekord ‘fatkeq’ ka vendosur konkurrenti i tij në këtë garë, Harry Kane.
Sulmuesi i Totthenham shënoi një dopietë në ndeshjen e së dielës kundër Leicester duke u ngjitur në kuotën e 30 golave në total në këtë sezon. Ai bëhet i pari futbollisit anglez në historinë e Premier League që arrin këtë shifër e nuk e fiton Këpucën e Artë. Shifra të jashtëzakonshme për Kane, por që ‘zbehen’ nga një super Salah i këtij sezoni në ishull.
