Flamurtari vijon të jetë ende në ‘ajër’. Në ditët në vijim pritet që të zbardhen edhe ndryshimet, si dhe do të nisin rinovimet. Pas largimit të Xhufos, në rrezik janë edhe të tjerë lojtarë. Tomislav Bushiç, Ditmar Bicaj, Franc Veliu, Igor Nedljekoviç, Fisnik Zuka, Seku Kamara, Lansinet Sidibe dhe Mamadu Tunkara janë të rrezikuar që të largohen.
Të mundshëm për të rinovuar janë Adis Nurkoviç, Artim Pollozhani, Emiljano Musta, Goran Siljanovski, Muhamedin Useini, Fjoralb Deliaj, Edmir Sali, Sokol Maze, Alesio Hyseni, Arjol Rrapaj dhe Xhuljo Tushi. Megjithatë, në ditët në vijim do të mësohet më shumë në lidhje me lojtarët që do të qëndrojnë. Gjithsesi, fillimisht puna do të nisë nga stafi teknik ku do të vendoset për emrin e trajnerit që do të drejtojë Flamurtarin në kampionatin e ardhshëm.
