Sipas gazetës katalanase Sport, Barcelona pritet të humbasë mesfushorin Riqui Puig teksa thuhet se Tottenham është shumë pranë marrëveshjes.
Kualiteti në La Masia ka rënë në kohët e fundit, por Puig thuhet të jetë një nga talentet më të mirë të akademisë.
Fantazisti 18-vjeçar është titullar në ekipin e parë të të rinjve të Barcelona-s, duke shkëlqyer në UEFA Youth League. Ai madje ka bërë edhe tre paraqitje për ekipin e Barcelona B këtë sezon.
Puig ka një të ardhme të ndritur përpara tij, por ajo mund të jetë larg Barcelona-s, teksa Sport raporton se Tottenham është shumë pranë blerjes së tij.
Kontrata e tij skadon në verë dhe ai nuk ka marrë një ofertë rinovimi nga klubi katalanas, çka ka lejuar trajnerin e Tottenham Pochettino ta rrëmbejë lojtarin.
Ai thuhet të jetë i dashuruar pas Puig, dhe bisedime janë në fazë të avancuar.
Puig do të ishte blerja e parë e Tottenham në merkaton e verës.