Pasi ka dhënë dorëheqjen nga fushat e blerta, ish-mesfushori i PSG-së. Thiago Motta ka identifikuar dhe pasardhësin e tij në “Parc des Princes”.
Sipas italianit, mesfushori i Realit të Madridit, Toni Kroos do të ishte ideali për mesfushën e parizienëve.
“Personalisht, unë do të doja të shihja Toni Kroosin në PSG. Ai gjithashtu mund të luajë në një pozicion më të avancuar, por në stilin që i përshtatet PSG, ai është i jashtëzakonshëm. Ai është një lojtar që admiroj shumë dhe për një kohë të gjatë. Ai mund të luajë tri pozitat në mesfushë dhe në veçanti para mbrojtjes “.- tha Motta për “Le Parisien”.
Motta, i dha fund karrierës së tij futbollistike dhe duke nisur nga sezoni i ardhshëm do të jetë një drejtues tek PSG, pasi do të drejtoj skuadrën e 19-të vjeçarëve në “kryeqytetin e dashurisë”, Paris.