Arsenali prej kohësh ishte në kërkim të një mbrojtësi, dhe atë e ka gjetur në Francë.
Topçinjtë kanë zyrtarizuar ditën e sotme transferimin e Uilliam Saliba, nga Saint-Etien. Mbrojtësi i ka kushtuar arkave të Arsenalit rreth 28 milionë euro, dhe do të qëndrojë edhe për një vit tjetër tek francezët, për tu bashkuar me anglezët sezonin tjetër.
18-vjeçari kaloi nga të rinjtë tek ekipi i parë i Saint-Etienit, në korrikun e një viti më parë, ku do të vazhdojë edhe për një sezon tjetër, më pas do të kalojë në Premier Ligë, tek Arsenali.
Megjithatë anglezët janë përsëri në kërkim të një mbrojtësi për sezonin e ri, për shkak se mbrojtja është reparti që ka më shumë nevojë për tu përmirësuar.