Ish-mesfushori i Barcelonës, Xavi, ka lëvduar legjendën, Andres Iniesta. Iniesta i ka dhënë lamtumirën e tij të fundit kampionëve të La Ligës dhe ndeshjen e fundit e luan ndaj Sociedadit të dielën.
Superylli do të largohet pas 16 sezoneve ku ka fituar nëntë tituj të mëdhenj. Partneri i tij kryesor, Xavi, e cilëson atë si unik.
“Lojtarë të tjerë do të qëndrojnë dhe Barca do të vazhdojë që të fitojë”.“Është e qartë që Barcelona do të vazhdojë të ketë sukses, por lojtarët sikur ai janë unik. Iniesta është shembull si lojtar dhe person”, u shpreh Xavi.
Iniesta ka bërë 43 paraqitje këtë sezon në të gjitha garat, duke i ndihmuar Barcës që të fitojë një dopietë tjetër të titujve.
