Trajneri i PSG-së, Unay Emery, ka zbuluar arsyen e vërtetë të largimit të Neymar nga Barcelona. Sulmuesi brazilian verën e kaluar për 222 milionë euro, la Barcelonën për t’iu bashkuar PSG-së, si transferimi më i shtrenjtë i historisë së futbollit.
Emery në një intervistë dhënë së fundmi, ka thënë se Neymar është larguar nga Barcelona për shkak të Lionel Messit, i cili është lider te skuadra katalanase. “Një nga arsyet pse Neymar është larguar nga Barcelona është shkaku i lojës së drejtuar tërësisht nga Lionel Messi, dhe Neymar ka qenë i detyruar të luajë për të”, ka thënë Emery.
Trajneri spanjoll, ka thënë se Neymar është transferuar te PSG për t’u bërë lider i skuadrës, duke zbuluar se ai ka qenë i detyruar të bëjë gjithçka që të mbajë në dispozicion brazilianin.
