Lojtari i përfaqësueses spanjolle Jordi Alba insiston se kërkon të vazhdojë të luajë te Barcelona deri në fund të karrierës.
Mbrojtësi i majtë ka kaluar gjashtë sezone në Camp Nou por tani është përfolur për një kalim te Tottenham në Premier League.
Gjithsesi, 29-vjeçari ka vetëm një qëllim, dhe ai është të përfundojë karrierën te Barça.
“Jam shumë mirë te Barça dhe zërat e largimit tim nuk më shqetësojnë. Po të ishte për mua, do të qëndroja përjetësisht te Barcelona.
“Por nuk varet gjithçka nga mua por nga dëshira e klubit. Gjithashtu varet nga paraqitjet e mia, të cilat këtë sezon kanë qenë shumë të mira, por nuk e shoh veten time jashtë Barça-s.”
Ai ka një kontratë deri më 2020, Alba gjithashtu ka një klauzolë 150 milionë euro.
Alba ka fituar katër tituj në La Liga si dhe ka ngritur trofeun e Champions League më 2015.