Chelsea do të futet në garë me klubet më të mëdha europiane për të marrë mesfushorin e Juventus, Miralem Pjanic, gjatë merkatos së verës.
Sipas ish-drejtuesit të Juventus, Luciani Moggi, Pjanic do t’i bashkohet Maurizio Sarri, që do të jetë trajneri i ri në “Stamford Bridge”.
Moggi tha për “Il Bianconero Pjanic” se Pjanic është futbollisti i parë që Sarri i ka kërkuar drejtuesve të Chelsea, nëse do të jetë trajneri i ri i londinezëve.
Me synimin për të mposhtur Barcelonën, skuadra tjetër që kërkon Pjanic, Chelsea është gati të ofrojë deri në 70 milionë euro.
