Që Brazili pëson shumë pak gola meritat shkojnë edhe për të. Allison, gardiani i Romës me paraqitjen e tij në Botëror me fanellën e Seleçaos po konfirmohet si një nga portierët më të mirë në qarkullim. Reali i Madridit është gati të bëjë çmendur financiare për të por garës për të firmosur me 25-vjeçarin nga vendi i Sambas i është shtuar edhe Chelsea.
Megjithatë përgjigjja e Allison në drejtim të Bluve të Londrës ka qenë e menjëhershme. Opsioni Chelsea nuk i intereson aspak portierit të Brazilit i cili është i gatshëm të qëndrojë tek Roma nëse nuk transferohet te Reali i Madridit në merkaton e kësaj vere. Klubi verdhekuq kërkon 75 milionë euro për kartonin e Allison, shifër që është i gatshëm ta paguajë Chelsea por jo Los Blancos të cilët nuk ofrojnë më shumë se 55 milionë euro për numrin 1 të 5-herë kampionëve të botës.
Allison pas paraqitjeve fantastike me Romën në Serie A dhe Champions League po shkëlqem edhe në Botëror duke bërë që vlera e tij në merkato të rritet ndjeshëm. Megjithatë duke parë kërkesat e larta të Romës e ardhmja e tij mbetet e paqartë dhe ndoshta në fund 25-vjeçari mund të vendosë të rinvojë kontratën e tij me klubin kryeqytetas.
