Përpjekjet e Arabisë Saudite për të mbërritur në fazën finale të Botërorit të kësaj vere ishin mjaft të vështira, pasi u kualifikua si e vendit të dytë, mbi Australinë, vetëm për diferencën e golave (+2). Arabia Saudite ishte kombëtarja e vetme, së bashku me Anglinë, lojtarët e të cilave luajnë të gjithë për ligat e tyre përkatëse vendase, deri në maj, kur Al-Muwallad siguroi transferimin te Levante për sezonin e ardhshëm në La Liga.
Ylli i kësaj kombëtareje është Nawaf Al-Abed, por ai ka luftuar për një kohë me lëndimet. Salem Al-Dawsari dhe Fahad Al-Mullawad japin njëfarë ritmi shumë të nevojshëm në “banak” dhe nuk ka dyshim se “falkonjtë e gjelbër” do të presin thellë dhe do të shfrytëzojnë çdo mundësi për kundërsulm.
Kombëtarja saudite po përpiqet për një rezultat të mirë, që të tregojë një imazh pozitiv të zhvillimit të futbollit të saj në botë. Pjesërisht, si rezultat i rastit, ata me gjasë do të jenë të kujdesshëm që në fillim. Pas kalimit të dhjetë minutave të para, Juan Antonio Pizzi do të ketë një ide më të mirë e të fortë kundër Rusisë dhe do ta ndryshojë planin e tij në përputhje me rrethanat.
Rezultati më i mirë i Arabisë Saudite (kualifikimet aziatike) në një Kupë Botërore ishte shkuarja deri në 1/16 në vitin 1994 dhe do të shpresojë për një përfundim më të mirë të këtij turneu.
