Përmes një komunikate të publikuar në profilet e rrjeteve sociale, drejtuesit e klubit spanjoll të Atletico Madrid, kanë njoftuar sot rinovimin e kontratës me veteranin Juanfran. Mbrojtësi 33-vjeçar ka nënshkruar një kontratë të re që e mban atë lidhur me bardhekuqtë e La Liga edhe për një tjetër sezon, në kërkim të sukseseve të tjera.
I bashkuar me Atletico Madrid që në vitin tashmë të largët 2011, mbrojtësi spanjoll ka rinovuar kështu kontratën me “Colchoneros” edhe për një tjetër vit. “Të qëndroj edhe për një tjetër sezon në shtëpinë time më bën të jem krenar dhe i lumtur”, ishin këto fjalët e para të thëna nga vetë lojtar në faqen zyrtare të Atletico.
