Gareth Bale është një nga lojtarët më të kërkuar të momentit dhe e ardhmja e tij nuk është e sigurt në “Santiago Bernabeu”. 28-vjeçari ka tërhequr interesin e klubeve më të mëdha, mes tyre Manchester United, Bayern Munchen dhe Tottenham Hotspur. Bavarezët kërkojnë një lojtar krahu dhe uellsiani është i preferuari, megjithatë ai nuk është gati të transferohet në Gjermani.
Sipas raporteve më të fundit Gareth Bale i ka thënë Bayern Munchen se dëshiron të transferohet në Premier League, nëse ai largohet nga Real Madrid. Ylli 28-vjeçar, e hodhi të ardhmen e tij në dyshim me komentet e tij pas një goli mahnitës në finalen e Ligës së Kampionëve. Manchester United është duke e irritur interesin ndaj tij me pretendimin e “Mirror” se Bale nuk është i interesuar për kalimin te Bayern, por e ardhmja e ish-yllit të Tottenham-it është shumë e varur nga ai që do të largohet gjatë verës nga Bernabeu.
Bale nuk është preferuar nga trajneri Zinedine Zidane, i cili u largua pas suksesit për herë të tretë radhazi të Champions League. Zëvendësuesi i francezit mund t’i ofrojë super yllit uellsian një ‘litar’ shpëtimi, sidomos pas dopietës së të tij në finalen e Kievit. 28-vjeçari ka deklaruar shpeshherë se ndihet shumë i lumtur te Real Madridi, por dëshiron statusin e yllit për të qëndruar me “Los Blancos”. Trajneri i Brazilit, Tite besohet të jetë ndër favoritët për postin e trajnerit të Real Madridit dhe presidenti Florentino Perez është i prirur për të siguruar menaxherin e tij të ardhshëm përpara Kupës së Botës. Tite ka më shumë se 25 vjet përvojë në drejtim, por shumica është shpenzuar në vendin e tij në shtëpi, në Brazil. Ai ka punuar në Internacional dhe shpenzoi dy sezone në Corinthians para se të merrte përgjegjësinë e ekipit kombëtar brazilian përpara fushatës së Kupës së Botës 2018.
