Toni Kroos, mesfushor i Gjermanisë, ka folur në konferencë për shtyp në prag të super sfidës me Francën në Euro 2020.
“Presim me padurim të luajmë, edhe pse duhet të punojmë akoma mbi disa detaje. Jemi përmirësuar, pas ndeshjes kundër Francës do të shohim nëse kam të drejtë”, ka thënë ylli i Real Madrid.
“Kundërshtari është i rëndësishëm, Franca është më e fortë se ne, favorite për ta fituar Europianin. Por mbaj mend edhe se ne kemi qenë favoritë në edicionet e kaluara dhe më pas nuk kemi fituar. Objektivi i parë për këtë europian është të mbijetojmë në këtë grup”.
