Cesc Fabregas ka akuzuar trajnerin e Chelsea-t Antonio Conte për keq-menaxhim.
Fabregas po analizonte ndeshjen e Kevin De Bruyne gjatë fitores 3-0 të Belgjikës ndaj Panamasë për BBC Sport, ku lojtari i Manchester City-t luajti në një rol më të tërhequr.
“Sidomos për Belgjikën tani, De Bruyne luan pak më thellë,” shpjegon spanjolli.
“Nuk jam një simpatizant i kësaj pasi ai mund të japë shumë në fazën sulmuese dhe mendoj se ai nuk po shfrytëzon në maksimum potencialin e tij.
“Ai duhet të jetë i disiplinuar, kjo më ka ndodhur edhe mua në dy vitet e fundit…
“Është sikur t’i thuash lojtarit tënd më kreativ të mos jetë kreativ.”
Ish-trajneri i Italisë e ka futur në një rol më të tërhequr Fabregas bashkë me N’Golo Kante sezonin e kaluar pas largimit të Matic.
