Ashtu si bën të ditur “Sky Sports”, Chelsea është interesuar seriozisht për të marrë mbrojtësin e Atletico Madrid, Stefan Savic, gjatë merkatos së verës, por duhet të mposhtë konkurrencën e Juventus, që gjithashtu është i interesuar për të.
Futbollisti serb kushton rreth 35 milionë euro dhe ka kërkuar të largohet nga skuadra e Simeone, pasi në momentin që klubi spanjoll rinovoi me uruguaianin Jimenez, ai rrezikon të përfundojë në stol.
Juventus ka pasur kontaktet e para me Savic, por edhe nëse humbet këtë duel, Chelsea mund të marrë masa duke kërkuar Daniele Rugani, pikërisht futbollisti që do të ketë më pak hapësira te Juventus, nëse vjen Savic, i cili ka luajtur në Serie A me fanellën e Fiorentina.