Çiklizëm, aksident i rëndë për kampionen olimpike Kristina Vogel

Aksident i rëndë për Kristina Vogel, kampionen gjermane të çiklizmit. Sportistja që është fituese e dy medaljeve të arta dhe një bronzi në Lojërat Olimpike, pësoi u shtrua me urgjencë në spital ku iu nënshtrua operacionit në shtyllën kurizore, pasi u dëmtua shumë rëndë në stërvitje, në velodromin e Kotbusit.27-vjeçarja po stërvitej me katër herë kampionen e të rejave, Pauline Grabosch dhe pasi nisi xhirot e shpejta u përplas me një tjetër sportiste që hyri papritur në pistë.

Përplasja ishte e fort, ashtu si edhe rënia dhe Kristina Vogel u dërgua me urgjencë fillimisht në spitalin e Kotbusit dhe më pas u transportua me helikopter drejt Berlinit, ku iu nënshtrua ndërhyrjes kirurgjikale. Trajneri i përfaqësueses gjermane të çiklizmit, Detlef Uibel shprehu të gjithë shqetësimin e tij për ngjarjen, duke deklaruar se Kristina është në gjendje të rëndë shëndetësore.