Në “Saint Petersburg Stadium” u luajt sfida e vlefshme për Grupin E të Botërorit mes Brazilit dhe Kosta Rikës. Brazili fiton me vështirësi 2-0, pasi të dy golat u shënuan në minutat shtesë.
Në minutën e 91-të, Coutinho brenda zone gjuan saktë, mposht portierin Navas dhe shpëton Brazilin, 1-0. Më pas Neymar vulos fitoren 2-0 në të 96’ dhe Brazili ngjitet në kuotën e 4 pikëve, në vend të parë në grup.
Autori i golit të parë, Philipe Coutinho, u shpall lojtari më i mirë i ndeshjes.
