Salah dhe Neymar janë të aftë për t’i lënë nën hije Messin e Ronaldon, thotë Coutinho.
Philippe Coutinho beson se Mohamed Salah dhe Neymar mund t’i lënë nën hije Lionel Messin e Cristiano Ronaldon në Kupën e Botës “Rusia 2018”.
“Ndjej se është momenti i duhur për dikë që të shfrytëzojë rastin në Kupën e Botës”, tha Coutinho.
“Messi dhe Ronaldo kanë qenë në maje për shumë vite. Mendoj se mund të jetë koha për të tjerë lojtarë që të shpërthejnë në botë dhe më e mira është duke ia nisur nga Kupa e Botës”.
“Për mua, Salah dhe Neymar kanë shanse shumë të mira për ta bërë këtë. Varet edhe se si shkojnë gjërat në këtë turne, por ata kanë talent për këtë. Këta janë lojtarët që unë zgjedh”, shtoi mes tjerash Coutinho.
