Dëshira e Hamdi Salihit për të luajtur në elitën e futbollit austiak ka marrë një goditje “nokaundi”.
Neustadt, skuadra ku aktivizohet sulmuesi shkodran nuk shkoi më shumë se një barazim 1-1 në sfidën e dytë play-off përballë St. Polten, por nuk i ka mjaftuar që të fitojë në finalen. Kjo pasi në ndeshjen e parë në shtëpi ishte mposhtur me rezultatin e pastër 0-2.
Kështu, St.Polten do të jetë pjesë e Bundesligës Austriake edhe në sezonin e ardhshëm, ndërsa Neustadt do të qëndrojë në ligën e dytë austriake, aty ku e mbylli edicionin 2017 -2018 në vendin e tretë.
Këtë sezon, Salihi ishte shumë deciziv për skuadrën e tij, ku në 36 ndeshje shënoi 22 gola, ndërkohë që dhe goli përballë St. Polten mban firmën e tij.
Pas këtij verdikti nuk dihet akoma e ardhmja e ish-bomberit të kombëtares shqiptare, që tashmë në moshën 34 vjeçare është në dilemë nëse do të tërhiqet apo të nis një aventurë të re.
