Golat e Granit Xhakës dhe Xherdan Shaqirit kanë bërë “lëmsh” një botë të tërë. Dy futbollistët me origjinë shqiptare i dhanë fitoren Zvicrës 2-1 përballë Serbisë, por kjo nuk është çështja. Ajo që ka vendosur në lëvizje mediat botërore dhe organet kopetente, pasi dy futbollistët vendosën ta festonin me shqoponjë golin e realizuar nga ballkanasve.
Kjo irritoi pa masë popullin serb, ndërkohë që Xhaka e Shaqiri nuk morën përkrahje as nga deputetja e Partisë Popullore në Zvicër. Natalie Rickli ka postuar 2 statuse në rrjetin e saj social, ku është shprehur mjaft e indinjuar rreth kësaj çështjeje.
“Super gol nga Xhaka. Çfarë po bënë ai për Kombëtaren tonë? Shqiponjën shqiptare”,-shkruajti fillimisht Rickli duke e shoqëruar postimin me një emoji me nerva.
Ndërkohë më pas, Rickli ka shkruar:
“Nuk mund të jem e lumtur me të vërtetë. Dy golat nuk janë shënuar për Zvicrën por për Kosovën. Nëse Përfaqësuesja e Kosovës fiton një ditë unë do të jem e lumtur për ju, por në Kampionatin Botëror ne jemi me Zvicrën”,-ka shkruar Rickli ndërsa tifozët i kanë kërkuar deputetes ta fshijë postimin duke mbrojtur Xhakën e Shaqirin.
Statuse këto që bien në kundërshtim me mendimin e shumicës së popullit Helvet që i kanë konsideruar dy yjet kosovarë si vlerë të kombëtares së tyre.
