River Plate kërkon të përforcohet dhe i ka hedhur sytë nga Deportes Tolima, klubi kampion në Kolumbi. Emri i lojtarit që argjentinasit duan është ai i Carlos Robles. Edhe në Shqipëri është i njohur, më saktë kur nis të gërmosh për të, pasi nuk është se ka shkëlqyer. Verën e vitit 2015 erdhi në vendin tonë me ndërmjetësimin e Ivan Ramiro Cordoba, por luajti vetëm në pesë ndeshje në qendër të mesfushës. Me përfundimin e pjesës së parë të sezonit ai gjeti marrëveshjen për të ndërprerë kontartën dhe më pas u largua drejt Kolumbisë, ku fillimisht luajti me Atletico Hulia.
Kur u largua nga Partizani nuk është se pati ndonjë që doli kundër, por sot të gjithë mund të thonë se ishte një dështim i klubit, pasi nuk i besoi mesfushorit, që sot është 16 vjeç. Gjithsesi raste të tilla ka plot në botë. Tanimë Marcelo Gallardo e do te River Plate, që është gati të paguajë shumën e 350 mijë eurove, për të zëvendësuar uruguaianin Marcelo Saraçhi, i cili do të transferohet në Bundesliga, ku do të veshë fanellën e RB Leipzig.
Carlos Julio Robles Rocha ishte një lojtar kyç për trajnerin Alberto Gamero tek Deportes Tolima. Mesfushori, i cili mund të luajë në qendër të mesfushës, por edhe në të majtë, por edhe si qendërmbrojtës, i ka tërhequr argjentinasit, që tanimë duhet të gjejnë marrëveshjen për ta pasur në ekip. Ish-mesfushori i Partizani është aktivizuiar në 13 ndeshje si titullar me skuadrën e tij në Kolumbi, ndërkohë që ka arritur të realizojë edhe një gol.
