Ka qenë një natë e gjatë dhe për t’u mbajtur mend e premtja për Ikay Gundogan. Futbollisti i Manchester City-t që luajti në miqësoren e Gjermanisë kundër Arabisë Saudite, sa herë që prekte topin vërshëllehej nga tifozët në stadiumin e Leverekusenit.
Por pse ndodhi kjo? Arsyeja është takimi që Gundogan dhe Ozil patën me presidentin e Turqisë Recep Tayyip Erdogan. Për më shumë që Gundogan e quajti Erdoganin ‘presidenti im’.
Futbollisti i cili ka lindur në Gjermani është me orgjinë nga Turqia dhe kjo duket se i ka irrituar shumë tifozët, ashtu siç mund ta shihni në këtë video të mëposhtme.
“Disa reagime më prekën pasi ishin sulme personale. Në vitet e fundit kemi bërë shumë për të promovuar integrimin në Gjermani.
Ne nuk jemi vetëm turq, kjo e trashëguar nga prindërit dhe familjet tona. Ne jemi lindur dhe rritur në Gelsenkirchen. Është një qytet me përqindje të lartë emigrantësh, prandaj u trondita kur dëgjova se nuk jemi të integruar dhe nuk duam të jetojmë sipas vlerave gjermane.
Është e qartë se ka diçka. Ne jemi të mësuar me vërshëllimat e tifozëve kundërshtarë, por kur vërshëllehemi nga tifozët tanë atëherë është e vështirë ta përjetosh atë.”
Marco Reus has been replaced by Ilkay Gündogan and fans aren’t happy. Boos and whistles every time the ManCity player is on the ball. #GERKSA pic.twitter.com/UiM84i6loz
— Hecko Flores (@hecko90) June 8, 2018
