Gjermania ka mbyllur dje rrugëtimin në këtë Botëror pasi janë eleminucar nga ky kompeticion pas humbjes 2-0 regjistruar ndaj Koresë së Jugut.
Dhimbja qe e madhe për gjermanët, sidomos për legjendat e kësaj Kombëtareje të cilët nuk kanë mundur të reagojnë për këtë disfatë derisa gjendja është qetësuar.
I fundit që ka reaguar lidhur me këtë çështje është Oliver Kanh. Legjenda e portës gjermane ka reaguar ashpër, duke theksuar se fanela e ekipit kombëtar peshon shumë dhe se përgjegjës për këtë dështim janë të gjithë, pavarësisht se lojtarët e refuzuan këtë gjë.
“Fanela e ekipit kombëtar peshon shumë. Pa përjashtim të gjithë lojtarët e refuzuan përgjegjësinë, nuk ishte një ekip i vërtetë madje harruan peshën e fanellës që mbanin veshur. Mungonte boshti qendror”, është shprehur Oliver Kanh pas eleminimit.
