Futboll Sport

Ethet e Botërorit/ Mijëra tifozë mbushin me ngjyra rrugët e Rusisë (FOTO)

Tifozët e futbollit nga e gjithë bota kanë mbushur me ngjyra nga më të ndryshmet rrugët e Rusisë në prag të nisjes së Kupës së Botës. Të mbërritur që nga Peruja e deri te Arabia Saudite e Irani, mbështetësit e skuadrave pjesëmarrëse kanë ndezur atmosferën para se në fushë të fillojë të luhet futboll.

Duke kënduar e brohoritur kanë bërë që ethet e Botërorit të ndihen në Moskë e qytetet e tjera ku do të luhen ndeshjet e kompeticionit më magjik në botë. Turneu nis nesër me ndeshjen Rusi-Arabi Saudite, por tifozët nuk presin dot ditën kur do të luajë skuadra e tyre.

Gjermania, kampione në fuqi, por edhe Brazili, Franca e Argjentina duken skuadrat për t’u mundur, por për sa i përket tifozerisë, të paktën deri tani, vendin e parë e mbajnë ato nga Amerika e Jugut, me peruanët e kolumbianët që kryesojnë.

Botërori i 21-të do të luhet në 12 stadiume në 11 qytete ruse të shpërndara në mbi 2000 kilometra distancë. Në total pritet që më shumë se 500 000 tifozë nga e gjithë bota të mblidhen në Rusi përgjatë muajit të Botërorit, ndërsa teleshikuesit në të gjithë globin llogaritet të shkojnë deri në mbi 3 miliardë persona.

Related posts

Zbulohet fanella e Real Madridit për sezonin e ardhshëm në Champions

Q.Autor

Drejtuesit kërkojnë të reformojnë ekipin, Milan kontakton trajnerin italian

Isa.Autor

STARTI I SERIA A/ Chievo-Juventus hap siparin e ndeshjeve, deputon Ronaldo

Sadik.Autor

Leave a Comment