Boksieri shqiptar, Robin Haxhi Krasniqi, ka fituar titullin e kampionit të Evropës EBU pasi mposhti rusin, Stanislav Kashtanov, në një ndeshje të zhvilluar në Gjermani. Robin Krasniqi, i njohur më mirë si Haxhi Krasniqi, dominoi duke i dhënë goditje të forta kundërshtarit të tij pothuajse në çdo rund të zhvilluar.
Me këtë triumf, shqiptari nga Juniku i ka hapur vetes rrugë për titullin kampion i botës, pasi tani mund të konsiderohet ndër pretendentët kryesorë në këtë kategori.
Krasniqi boksoi në kategorinë super të mesme duke u treguar më i fuqishëm e rusi Kashtanov në meçin e zhvilluar në Wee Arena në Bad Tolz të Gjermanisë.
