Duke parë vështirësitë për të arritur një marrëveshje me Milan për sulmuesin Carlos Bacca, Villarreal duket se e ka gjetur zgjidhjen. “Nëndetësja e Verdhë” ka nënshkruar me sulmuesin kamerunas të Angers, Karl Toko Ekambi.
Sipas mediave spanjolle, 25-vjeçari ka kaluar vizitat mjekësore dhe tashmë mund të quhet një futbollistë i Villarreal. Në sezonin që sapo u mbyll, Ekambi luajti në 37 takime në Ligue 1, duke arritur të gjejë rrugën e rrjetës në 17 raste. Transferimi i tij në Spanjë, i ka kushtuar Villarrealit rreth 20 milionë euro.