Hernan Crespo, ish-sulmuesi i Parmës, Lazio, Inter e Milan, por edhe ish-lider i përfaqësueses së Argjentinës, në një intervistë për “La Gazzetta dello Sport” ka folur edhe për Lionel Messi e krahasimin e tij me legjendën e bardhekaltërve Diego Armando Maradona.
“Messi nuk është Maradona, nuk fiton dot i vetëm një Botëror. Duhet ta kuptojnë të gjithë, tifozët dhe shokët e skuadrës. Ronaldo? CR7 luan i vetëm, vrapon, ka fizik, gjuan dhe shënon. Messi, për të qenë Messi, ka nevojë për skuadrën.
Messi te Portugalia do të bënte shifra të çmendura në kundrasulm. Por e përsëris, Leo driblon e kalon një, dy kundërshtarë. Maradona në 1986 dribloi pesë kundërshtarë armiq, kundër Anglisë. E kuptoni diferencën?”, deklaroi Crespo.