Sulmuesi i Juventusit, Gonzalo Higuain, ka thënë se Argjentina mori vendim të drejtë për të mos shkuar në Izrael për ta zhvilluar ndeshjen miqësore ndaj këtij vendi në Jerusalem.
Argjentina e anuloi mbrëmë ndeshjen e fundit përgatitore para Botërorit kundër Izraelit, i cila ishte paraparë të luhej të shtunën, njoftuan zyrtarë të Federatës së Futbollit të Argjentinës dhe vetë lojtarët.
Kjo ndeshje ka qenë subjekt i polemikave të mëdha në ditët e fundit sepse ishte vendosur të luhej në lagjen e Jerusalemit, Malha, e cila ndodhet pikërisht në një zonë të një ish-fshati palestinez të shkatërruar gjatë luftës pas të cilës u themelua Izraeli 70 vite më parë.
Lojtarët dhe trajneri Jorge Sampaoli nuk ishin dashur të shkonin në Izrael, duke e detyruar Federatën ta anulojë ndeshjen.
“Vendim i drejtë për të mos shkuar në Izrael”, ka thënë Higuain për Clarin.
“Më në fund e bëmë gjen e duhur”, shtoi ai.