Ndërkohë që merkatoja ka pak ditë që ka filluar, drejtuesit e klubit të Luftëtarit kanë nisur nga puna për ndërtimin e një tjetër skuadre e cila të përfaqësohet denjësisht në Europë dhe më pas të ketë një ecuri pozitive në kampionat për sezonin e ri.
Mësohet se në kampin gjirokastrit të ketë më shumë hyrje se dalje edhe pse gjithçka do të varet dhe nga dëshira e lojtarëve. Do të kenë rinovime me disa nga “veteranët” e ekipit, duke lënë kështu të pandryshuar shtyllën e ekipit.
Në datën 6 qershor, ekipi gjirokastrit nis punimet për përfaqësimin në Europë dhe në këtë datë pritet që të zbulohen të rejat e para dhe ndryshimet që mund të kenë ndodhur në skuadër. Më pas, në darën 13 qershor, kur ekipi të nisë fazën përgatitore në Austri, do zbulohen prurjet e reja të Luftëtarit, të cilët do bëhen në varësi të largimeve që do të ndodhin, të cilat thuhet se do të jenë të pakta.
