Skuadra e Napolit në këto momente është duke kaluar një periudhë revolucioni, pasi në krye të pankinës është vendosur trajneri i njohur Carlo Ançelotti, i cili ka kërkuar shumë alternativa në skuadër.
Mbrojtësi i kombëtares shqiptare Elseid Hysaj nuk po kalon një periudhë aspak të mirë, sepse 24 vjeçari ishte shumë i lidhur me të larguarin Maurizio Sarri dhe në të njëjtën kohë është shprehur i pakënaqur që nuk është nën urdhrat e ish-teknikut.
Drejtuesit e skuasrës janë vënë menjëherë në lëvizje dhe kanë gjetur dy mbrojtës të tjerë në Madrid. Mediat italiane raportojnë se bëhet fjalë për Hakimi-n e Real-it dhe mbrojtësin e Atletico Madrid, Vrsaljko.
Ende nuk ka diçka zyrtare, por në ditët e ardhshme do të mësojmë diçka më konkrete, sepse merkato sapo ka filluar.
